Հռոմի Ֆրանցիսկոս պապն Ամերիկայի կաթոլիկ եպիսկոպոսներին ուղղված բաց նամակում խիստ քննադատության է ենթարկել ԱՄՆ նախագահ Դոնալդ Թրամփի «ներգաղթային քաղաքականությունը»։
«Կաթոլիկ եկեղեցու բոլոր անդամներին կոչ եմ անում չտրվել այն պատմություններին, որոնք խտրականություն են դնում և անհարկի տառապանքներ են պատճառում մեր գաղթական ու փախստական եղբայրներին ու քույրերին»,- մեջբերում է Reuters-ը պոնտիֆիկոսի նամակը։
Նա նշել է, որ սխալ է համարում բոլոր անօրինական ներգաղթյալներին հանցագործների հետ հավասարեցնելը։ Հռոմի պապն ասել է, որ միգրանտների զանգվածային արտաքսման Թրամփի ծրագրերը «խայտառակություն» են։
