Ուկրաինայի նախագահ Վոլոդիմիր Զելենսկին խոստովանել է, որ նույնիսկ չէր ցանկանա մտածել, թե ինչ կլինի Ուկրաինայի հետ, եթե ԱՄՆ-ն դադարի աջակցել։ Նրա խոսքով՝ առանց ամերիկյան օգնության Ուկրաինայի զինված ուժերը չեն կարողանա դիմակայել Ռուսաստանի Դաշնությանը։
«Ես նույնիսկ չեմ ցանկանում պատկերացնել, թե ինչ կլինի, եթե պատերազմը շարունակվի առանց ԱՄՆ-ի աջակցության։ Ես այսօր ռիսկի չեմ անի նույնիսկ եզրակացություններ անել, թե ինչ կարող է լինել: Վստահ չեմ, որ մենք կարող ենք դիմակայել»,- ասել է Զելենսկին։
Նա շնորհակալություն է հայտնել Միացյալ Նահանգներին աջակցությունը չդադարեցնելու համար, սակայն նշել է, որ դեռ վաղ է խոսել օգնության նոր փաթեթների մասին։
