Միջազգային

Թրամփն ու Մասկը քննադատել են USAID-ին

ԱՄՆ նախագահ Դոնալդ Թրամփը հայտարարել է ԱՄՆ Միջազգային զարգացման գործակալության (USAID) ղեկավարությունում սպասվող պաշտոնանկությունների մասին:

«Այս գործակալությունը ղեկավարվում է մի խումբ ծայրահեղական խելագարների կողմից։ Մենք նրանց հեռացնում ենք, հետո որոշում կկայացնենք», - հայտարարել է Սպիտակ տան ղեկավարը:

Թրամփի քննադատությանը ԱՄՆ ՄԶԳ-ի հասցեին միացել է նաև գործարար Իլոն Մասկը:

Tesla և SpaceX ընկերությունների գլխավոր տնօրենը գործակալությունն անվանել է հանցավոր կազմակերպություն և մեղադրել կենսաբանական զենքի մշակման ֆինանսավորման մեջ, որի շարքին է դասել նաև COVID-19-ը:

Մասկը որևէ ապացույցով չի հաստատել իր խոսքերը:

Հատկանշական է, որ USAID-ի «X»-ի հաշիվը ներկայումս անհասանելի է, իսկ վեբկայքը՝ խափանված: