Միջազգային

Պուտինն ու Թրամփը կարող են հանդիպել Սաուդյան Արաբիայում կամ ԱՄԷ-ում. Reuters

Ռուսաստանի և ԱՄՆ նախագահները կարող են հանդիպել Արաբական Միացյալ Էմիրություններում կամ Սաուդյան Արաբիայում․ հաղորդում Է Reuters գործակալությունը:

Ըստ անանուն աղբյուրների՝ Կրեմլի ներկայացուցիչներն արդեն այցելել են այդ երկրներ:

Թրամփն ու Պուտինը հայտարարել են շփումների պատրաստակամության մասին, սակայն Կրեմլը հերքում է, որ երկու նախագահների հանդիպումն արդեն նախապատրաստվում է: Գագաթնաժողովի հնարավոր ամսաթիվը կամ վայրը նույնպես չի նշվել։

Երկու նախագահները լավ հարաբերություններ ունեն Սաուդյան Արաբիայի և ԱՄԷ-ի առաջնորդների հետ․ նշում Է Reuters-ը: