Սիրիայի արտաքին գործերի ժամանակավոր նախարար Ասաադ աշ-Շայբանին չորեքշաբթի օրը հայտարարել է, որ նոր կառավարությունը կշարունակի աշխատանքը բնակչության բոլոր խմբերի ներգրավման ուղղությամբ:
«Ոչ ոք չպետք է պատժվի իր ծագման, սոցիալական կամ կրոնական պատկանելության կամ որոշակի խմբերի պատկանելության պատճառով»,-ասել Է Աշ - Շայբանին Դավոսի Համաշխարհային տնտեսական համաժողովում Մեծ Բրիտանիայի նախկին վարչապետ Թոնի Բլերի հետ զրույցի ընթացքում:
ԱԳ նախարարը կոչ է արել չեղարկել Սիրիայի նկատմամբ տնտեսական պատժամիջոցները և ընդգծել, որ դա «առանցքային նշանակություն ունի Սիրիայի կայունության համար»:
Խոսելով կանանց դերի մասին՝ Աշ-Շայբանին նշել է, որ կանայք վճռորոշ գործոն են նոր Սիրիայի կառուցման գործում:
Նա ընդգծել է, որ սիրիացի կանայք պետք է լինեն երկրի ապագայի մի մասը: Կանայք արդեն ղեկավար պաշտոններ են զբաղեցրել անցումային կառավարությունում, այդ թվում՝ Մայսա Սաբրինինի նշանակումը Կենտրոնական բանկի տնօրեն:
Նա հավելել է, որ իրենք Ասադի ռեժիմից ավերված պետություն են ժառանգել, և երկրում տնտեսական համակարգ չի եղել։
«Ապագայում տնտեսությունը բաց կլինի», - հավելել է նա:
