Միջազգային
Թրամփի անդմինիստրացիան Հարավային Կովկասի համար «ոչ մի լավ բան» չի բերի. Զախարովա
Մարիա Զախարովան, անդրադառնալով լրագրողի այն հարցին, թե ինչ փոփոխություններ կարող է բերել Թրամփի անդմինիստրացիան Հարավային Կովկասի տարածաշրջանի համար, ասել է՝ «ոչ մի լավ բան»։
«ԱՄՆ-ի և ԵՄ-ի միջամտությունը տարածաշրջանի գործերին ոչ մի լավ բանի չեն հանգեցրել»,- ասել է Զախարովան։
«Մենք պատրաստ ենք աջակցել հավասարակշռված խաղաղության պայմանագրի մշակմանը, տրանսպորտային և տնտեսական կապերի վերականգնմանը, սահմանների դելիմիտացիային և դեմարկացիային, քաղաքացիական հասարակության գծով շփումների զարգացմանը՝ կայուն խաղաղության և բարեկեցության հասնելու նպատակով», - ասել Է Զախարովան:
Ռուսաստանի ԱԳՆ պաշտոնական ներկայացուցիչն ընդգծել է, որ Բաքվի և Երևանի հաշտեցման և կայուն, ամուր, կայուն խաղաղության իրական ճանապարհային քարտեզն արտացոլված է Ռուսաստանի, Հայաստանի և Ադրբեջանի ղեկավարների եռակողմ հայտարարությունների համալիրում, որոնք կնքվել են 2020-2022 թվականներին:
