Միջազգային
Կորեայում կործանված ինքնաթիռի շարժիչներում թռչնի փետուրներ են հայտնաբերվել
Հարավային Կորեայում տեղի ունեցած ավիավթարի հետաքննողները օդանավի երկու շարժիչներում հայտնաբերել են թռչնի փետուրներ և արյուն։ Անցած ամիս երկրում տեղի ունեցած ավիաաղետի հետևանքով զոհվել էր 179 մարդ։
Դեպքը տեղի է ունեցել Բանգկոկից հարավկորեական Մուան քաղաք տանող Jeju Air-ի Boeing 737-800 ինքնաթիռի հետ, որը վայրէջք կատարելիս կորցրել է արագությունը և, դուրս գալով վայրէջքի տարածքից, դիպել հարթակին։ Միակ կենդանի մնացած անձինք եղել են ինքնաթիռի ետնամասում գտնվող անձնակազմի 2 անդամները։
Հարավկորեական իշխանությունների տեղեկություններով՝ վթարից մոտավորապես 4 րոպե առաջ օդաչուներից մեկը հաղորդել է, որ այն բախվել է թռչնի։ Նա հայտարարել է արտակարգ իրավիճակ՝ փորձելով կրկին շրջվել ու վայրէջք կատարել օդանավակայանի հակառակ կողմում։ Մի քանի րոպե առաջ, մինչև օդաչուն աղետի ազդանշան է հնչեցրել, ավիադիսպետչերական ծառայությունը զգուշացրել էր տարածքում թռչունների ակտիվության մասին։
Այս ամիս քննիչները հայտնել են, որ վթարի վայրից դուրս բերված շարժիչներից մեկի վրա փետուրներ են հայտնաբերվել՝ հավելելով, որ տեսանյութում երևում է, որ շարժիչում թռչուն է ընկել:
