Հնդկաստանի Կարնատակա նահանգի 67-ամյա բնակիչն անսպասելիորեն «հարություն է առել» հուղարկավորությունից մի քանի ժամ առաջ. հայտնում է News9Live-ը:
Տղամարդը ծանր վիճակում գտնվել է Մանգալուր քաղաքի հիվանդանոցում։ Բժիշկները հայտարարել են, որ նա դադարել է շնչել։ Ընտանիքը սկսել է փաստաթղթեր հավաքել և հրաժեշտի արարողություն կազմակերպել հայրենի Կանուրում։ Դիակը դրել են շտապօգնության մեքենայի մեջ և տարել քաղաք։ Հինգ ժամ տևած ճամփորդության ընթացքում տղամարդը կյանքի նշաններ չի ցույց տվել։
Դիահերձարան տեղափոխվելուց հետո բժիշկը ձեռքի հազիվ նկատելի շարժում է տեսել։ Բժիշկները պարզել են, որ տղամարդը շնչում է, որից հետո նրան տեղափոխել են վերակենդանացման բաժանմունք։ Առավոտյան հնդիկի վիճակը կայունացել էր։ Որոշ ժամանակ անց Կարնատակայի բնակիչը բացել է աչքերը և նայել կնոջը։
Ընտանիքի խոսքով՝ հիվանդը հայտնվել է Մանգալուրի հիվանդանոցում՝ ինսուլտով և շնչառության հետ կապված խնդիրներով։ Մասնագետները պատմել են, որ հաճախորդը ողջ է միայն թոքերի արհեստական օդափոխության շնորհիվ և կոչ են արել հարազատներին՝ պատրաստվել վատագույնին:
