ԱՄՆ Կոնգրեսի ներկայացուցիչների պալատը ընդունել է օրինագիծ, որն արգելում է տրանսգենդերներին մասնակցել կանանց սպորտին. գրում է CNN-ը։
Օրինագիծն ընդունվել 218 կողմ և 206 դեմ ձայնով։
Տրանսգենդեր մարզիկները, դպրոցից մինչև համալսարան, չեն կարող մասնակցել կանանց սպորտային մրցումներին։
Հանրապետականները պնդում են, որ տղամարդ ծնված տրանսգենդեր կանանց մասնակցությունը սպորտում անարդար է կին մարզիկների նկատմամբ, քանի որ կարող է ստեղծել ֆիզիկական առավելություն։
Դեմոկրատները, մերժելով օրինագիծը, այն անվանել են խտրական և վնասակար։
Եթե օրինագիծը ընդունվի Սենատի կողմից, ապա դպրոցները, որոնք թույլ կտան տրանսգենդեր աղջիկներին կամ կանանց մրցել, կկորցնեն դաշնային կրթության ֆինանսավորումը:
