Միջազգային
«Հայաստանն ու Ադրբեջանը գործնականում պայմանավորվել են խաղաղության պայմանագրի շուրջ». Լավրով
Ռուսաստանի արտգործնախարար Սերգեյ Լավրովը հայտարարել է, որ Հվ․ Կովկասի երկրները պետք է իրենք բոլոր խնդիրները լուծեն իրենց անմիջական հարևանների հետ․
«Երբ հայտարարում են, որ ԵՄ առաքելությունն ապահովելու է անվտանգությունը Հայաստանի Սյունիքի մարզում, դա այնքան էլ հասկանալի չէ ինձ համար»,- նշել է նա։
Ըստ նախարարի՝ հարավկովկասյան երկրների և նրանց հարևանների միջև խնդիրը կարգավորելու համար աջակցվեց «3+3» մեխանիզմի ստեղծման նախաձեռնությունը։
«Ինձ թվում է՝ սա ավելի արդյունավետ ձևաչափ է։ Հիմա, կարծես, Հայաստանն ու Ադրբեջանն արդեն գործնականում պայմանավորվել են խաղաղության պայմանագրի շուրջ։ Հասկանալի է, որ մնացած երկու հարցերը դժվար է ինչ-որ կերպ շրջանցել։ Պետք է որոշել՝ կա՛մ այո, կա՛մ ոչ։ Եվ անմիջապես Եվրամիությունը հայտարարեց՝ մենք հիմա կգանք, կօգնենք։ Սա Հայաստանի և Ադրբեջանի սուվերեն որոշումն է՝ որտեղ և երբ կնքել պայմանագիրը»,- ասել է ՌԴ արտգործնախարարը։
