Ուկրաինայի նախագահ Վլադիմիր Զելենսկին հեռախոսազրույց է ունեցել իր ֆրանսիացի գործընկեր Էմանուել Մակրոնի հետ: Այս մասին հաղորդել է Ուկրաինայի նախագահի մամուլի ծառայությունը։
Զելենսկին և Մակրոնը պայմանավորվել են հանդիպել մոտ ժամանակներս և «հանձնարարել են թիմերին՝ պլանավորել մի շարք շփումներ տարբեր մակարդակներում, որպեսզի համակարգեն գործընկերների հետ համատեղ քայլերը՝ արդար խաղաղության հասնելու և անվտանգության գործուն երաշխիքների մշակման համար»:
«Մասնավորապես, որպես հնարավոր տարբերակներից մեկն է Ուկրաինայում օտարերկրյա ռազմական կոնտինգենտ տեղակայելու ֆրանսիական նախաձեռնությունը, ինչպես նաև դրա իրականացման, ընդլայնման և այլ երկրների ներգրավման գործնական քայլերը», - ասվում է հաղորդագրության մեջ:
