Հունվարի 14-ի գիշերը ավելի քան 200 անօդաչու թռչող սարքեր և օդային այլ թիրախներ են խոցվել Ռուսաստանի տարածքում, հայտնում է Shot-ը՝ հղում անելով աղբյուրներին։ Պայթյունների մասին տեղեկություններ են ստացվել Սարատովի, Տամբովի, Ռոստովի, Օրյոլի, Տուլայի, Վորոնեժի շրջաններից, ինչպես նաև Թաթարստանից։
Սարատովի նավթավերամշակման գործարանի մոտակայքում գտնվող Էնգելսի նավթային պահեստում հրդեհ է բռնկվել։ Սարատովի նահանգապետի խոսքով՝ այս քաղաքներում «վնասվում են արդյունաբերական ձեռնարկությունները»։
Թաթարստանի իշխանությունները հայտնել են Կազանի արվարձանում գազի բաքում բռնկված հրդեհի մասին։ Ինչպես պարզաբանել է Business Online-ը, հրդեհը սկսվել է «Գազպրոմ»-ին պատկանող հեղուկ գազի կլաստերային բազայում։
