Կալիֆորնիայի ավերիչ անտառային հրդեհների դեմ պայքարում, որոնք ընդգրկել են ավելի քան 15 հզ. հեկտար, գործի են դրվել հրշեջ ինքնաթիռներ, որոնք օգտագործում են հրշիջման հատուկ խառնուրդներ:
Ջրի մեջ ավելացված քիմիական նյութերը հիմնված են ֆոսֆատների և ամոնիումի սուլֆատի։ Կրակի հետ շփվելիս նրանք արտազատում են ածխաթթու գազ, որն օգնում է մարել կրակը։ Այս խառնուրդները, որոնք թափվում են այրվող տարածքներ, կանխում են կրակի հետագա տարածումը: Լուծույթի բաղադրությանը ավելացվում է նաև ներկ, որպեսզի հրշեջները կարողանան տեսնել, թե կոնկրետ որտեղ է կատարվել մշակումը:
Լոս Անջելեսի փողոցները, մեքենաները, տները և նույնիսկ բույսերը ծածկված են վարդագույն ծածկույթով:
Palisades Fire-ի և Eaton Fire-ի հրդեհները Լոս Անջելեսի համար ամենակործանարարներից էին: Հրշեջ ծառայությունների տվյալներով՝ արդեն այրվել է առնվազն 12 հզ․ շենք, մոտ 150 հզ. մարդ ստիպված է եղել լքել իրենց տները:
