Միջազգային
Ադրբեջանը փոփոխություններ կկատարի ՌԴ քաղաքացիների համար կեցության կանոններում
Բաքուն փոփոխություններ կկատարի Ադրբեջանում Ռուսաստանի քաղաքացիների ժամանակավոր գտնվելու կանոններում։ Այդ մասին հայտարարել են Ադրբեջանի ԱԳՆ-ից։
Անդրադառնալով Ռուսաստանի Դաշնությունում օտարերկրյա քաղաքացիների ժամանակավոր կեցության մասին ընդունված նոր կանոններին՝ Ադրբեջանի ԱԳՆ-ից նշել են․
«Ռուսական կողմի ներդրած նոր կանոնները և երկրում գտնվելու տեւողության պահանջների խստացումը դիտարկվում են առաջին հերթին մեր քաղաքացիների իրավունքների համատեքստում։ Ադրբեջանական կողմը թե՛ արտաքին քաղաքականության, թե՛ ժամանակավոր կեցության ու միգրացիայի հարցերում առաջնորդվելու է հավասարության և փոխադարձության սկզբունքներով։
Այդ կապակցությամբ առաջիկա օրերին նախատեսվում է փոփոխություններ կատարել Ադրբեջանի Հանրապետության տարածքում Ռուսաստանի Դաշնության քաղաքացիների ժամանակավոր գտնվելու ժամկետի կանոններում»։
