ՌԴ ԱԳ նախարար Սերգեյ Լավրովի առանցքային հայտարարությունները՝ ռուսական և արտասահմանյան ԶԼՄ-ներին տված հարցազրույցում․
-️ ️ Ուկրաինայում հրադադարը ճանապարհ է դեպի ոչ մի տեղ, Ռուսաստանին կարգավորման մասին դատարկ խոսակցությունները չեն գոհացնում։
- Ուկրաինական հակամարտության կարգավորման հետագա պայմանավորվածություններում պետք է ամրագրվի դրանց խախտման անհնարինության մեխանիզմը։
- Ռուսաստանը պատրաստ է Ուկրաինայի հարցով Թրամփի վարչակազմի հետ խորհրդակցություններին․ Մոսկվան հույս ունի, որ Սպիտակ տունը կխորանա հակամարտության հիմնական պատճառների մեջ:
- ️ Ֆրանսիան մի քանի անգամ Ռուսաստանին փակ ուղիներով առաջարկել է Ուկրաինայի հարցով երկխոսություն հաստատել՝ առանց Կիևի մասնակցության։
- Մոսկվան թիրախներ է ընտրում Ուկրաինայի տարածքում խոցելու համար՝ ելնելով Ռուսաստանի հանդեպ սպառնալիքներից։ Դրանք կարող են լինել նաև Կիևում որոշումների կայացման կենտրոնները։
- Չի կարելի թույլ տալ Սիրիայի մասնատումը, թեև ոմանք դա շատ կցանկանային։
- Ռուսաստանը հույս ունի վերականգնել տնտեսական համագործակցությունը Սիրիայի նոր իշխանությունների հետ։
- Ռուսաստանը, Թուրքիան և Իրանը համակարծիք են, որ Աստանայի ձևաչափը կարող է օգտակար դեր խաղալ նաև այժմ՝ Սիրիայում իշխանափոխությունից հետո։
