Գրենլանդիայի վարչապետ Մութ Էգեդեն արձագանքել է Վաշինգտոնի կողմից կղզու «սեփականության ու վերահսկողության» անհրաժեշտության մասին ԱՄՆ նորընտիր նախագահ Դոնալդ Թրամփի խոսքերին։
«Գրենլանդիան պատկանում է Գրենլանդիայի ժողովրդին։ Մենք չենք վաճառվում և չենք վաճառվելու, մենք չպետք է կորցնենք մեր երկարատև պայքարը հանուն ազատության»,- ասել է Էգեդեն։
Միևնույն ժամանակ, քաղաքական գործիչը նշել է, որ Գրենլանդիան պետք է բաց մնա «ամբողջ աշխարհի, հատկապես հարևանների հետ համագործակցության և առևտրի համար»։
