Վրաստանի նախագահը Սալոմե Զուրաբիշվիլին իշխանություններին սպառնացել է «ռեժիմի անկմամբ», եթե իշխող կուսակցությունը մինչև դեկտեմբերի 29-ը չնշանակի նոր խորհրդարանական ընտրություններ։
«Ռեժիմի տապալումը երկխոսության, փոխզիջումների և զիջումների այլընտրանք է։ Եթե ոչ, ապա ռեժիմը կընկնի»,- ասել է նա տեսաուղերձում։
Վրաստանի նախագահը հայտարարել է իր ղեկավարությամբ խորհրդի ստեղծման մասին, որը պետք է երկիրը նախապատրաստի նոր ընտրությունների։
«Ընդդիմադիր կուսակցությունների հետ հանդիպումից հետո պատրաստվում է փաստաթուղթ, որը նկարագրելու է բոլոր այն պայմանները, որոնք նվազագույնն անհրաժեշտ են շուտով նոր ընտրությունների անցկացման համար»,- ասել է Զուրաբիշվիլին։
Միաժամանակ՝ նա վստահեցրել է, որ նախագահ կմնա նույնիսկ դեկտեմբերի 29-ից հետո, երբ կլրանա իր պաշտոնավարման ժամկետը։
