Միջազգային
Մենք ուղիղ կապեր չունենք Սիրիայի ներկայիս կառավարության հետ. Իրանի ԱԳՆ
Իրանի արտաքին գործերի նախարարության պաշտոնական ներկայացուցիչ Իսմայիլ Բակային հայտարարել է, որ Թեհրանն ուղիղ կապեր չունի Սիրիայի ներկայիս կառավարության հետ:
Ամենշաբաթյա մամուլի ասուլիսի ընթացքում Բակային ընդգծել է, որ Իրանն ավելի վաղ միջամտել է Սիրիայի իրադարձություններին՝ ահաբեկչության դեմ պայքարի նպատակով: «Մենք կապի մեջ ենք եղել որոշ խմբերի հետ, սակայն մենք ուղղակի կապեր չունենք Սիրիայի գործող կառավարության հետ»,- հայտարարել է նա:
Բակայը նաև հայտնել է, որ Իրանը Սիրիայի հարցի շուրջ կարծիքներ է փոխանակել Թուրքիայի հետ: «Սիրիայում տեղի ունեցող իրադարձություններին ներգրավված յուրաքանչյուր դերակատար և կողմ ունի տեղի ունեցողի իր մեկնաբանությունը ։ Բայց դա չի նշանակում, որ այդ բոլոր վարկածները պետք է ընդունվեն մեր կողմից»,- նշել է նա։
Իրանի ԱԳՆ ներկայացուցիչը հայտնել է, որ Սիրիայում տեղի ունեցած վերջին իրադարձություններից հետո երկրում Իրանի քաղաքացիներ չկան:
«Սիրիայում անորոշության պատճառով մենք մեր քաղաքացիներին խորհուրդ չենք տալիս այցելել երկիր։ Մեր դիվանագետներն ու ռազմական խորհրդականները լքել են Սիրիան։ Ես չեմ կարծում, որ այս պահին Սիրիայում Իրանի քաղաքացիներ են գտնվում», - հավելել Է նա։
