Միջազգային
Բլինքենը խոստովանել է՝ 20 տարի փորձել են Իրանում ռեժիմի փոփոխության հասնել
ԱՄՆ պետքարտուղար Էնթոնի Բլինքենը հայտարարել է, որ վերջին 20 տավա ընթացքում ԱՄՆ-ն փորձել է հասնել իշխանափոխության Իրանում, սակայն այդ փորձերը հաջողությամբ չեն ավարտվել։
«Իրանի մեծ մասն ակնկալում է ավելի լավ ապագա իր երկրի համար։ Կասկած չկա, որ այդ ապագան կլինի ավելի պայծառ բոլորի համար։ Հարց է առաջանում. ինչ կարող ենք անել այդ նպատակին հասնելու համար, եթե ընդհանրապես կարող ենք:
Վերջին 20 տավա ընթացքում մեր փորձերը` հասնել Իրանում ռեժիմի փոփոխության, այդքան էլ հաջողությամբ չեն պսակվել», — նշել է Բլինքենը։
Նրա խոսքով, անհրաժեշտ է կենտրոնանալ քաղաքականության փոփոխության վրա՝ խոչընդոտելով այն գործողություններին, որոնք սպառնում են ԱՄՆ-ի շահերին և արժեքներին։ «Մեր փորձերը ռեժիմի փոփոխության ուղղությամբ մեծ հաջողություն չեն գրանցել։ Սակայն մենք շարունակում ենք աշխատել՝ աջակցելով Իրանի ներսում գտնվող այն մարդկանց, ովքեր ցանկանում են այլ ապագա իրենց երկրի համար», -ասել է նա:
Բլինքենը նշել է, որ ԱՄՆ-ի համար Իրանից եկող սպառնալիքներն իրական են, և պետք է շարունակել ջանքերը՝ աջակցելով Իրանում ժողովրդավարության և մարդու իրավունքների կողմնակիցներին: «Վերջիվերջո, հենց իրանցիները պետք է որոշեն իրենց երկրի ապագան։ Երբ ավելի մեծ թվով մարդիկ գիտակցեն, որ ներկայիս համակարգը չի ապահովում իրենց ցանկալի ապագան, փոփոխությունը կդառնա անխուսափելի», — եզրափակել է նա։
