Միջազգային
«Ռուսաստանը պահպանում է միջուկային զսպման քաղաքականությունը». Պուտին
Ռուսաստանի նախագահ Վլադիմիր Պուտինը հայտարարել է, որ աշխարհում ռազմաքաղաքական իրավիճակը շարունակում է մնալ բարդ և անկայուն: «Արևմուտքը չի դադարում իր գերիշխանությունը պարտադրելու փորձերը»,- ասել է նա։
Պուտինը նշել է, որ ժամանակակից սպառազինությունների բաժինը ՌԴ ռազմավարական միջուկային ուժերում հասել է 95%-ի։
Ռուսաստանի նախագահը նաև ասել է, որ ՌԴ-ն կհրաժարվի միջին և փոքր հեռահարության հրթիռային համակարգերի տեղակայման կամավոր սահմանափակումներից, եթե ԱՄՆ-ն սկսի նման զենքերի տեղակայումը: «Ռուսաստանի քաղաքականությունն ուղղված է միջուկային զսպմանը, ոչ թե միջուկային սպառնալիքին»,- ընդգծել է նա։
Պուտինը ավելացրել է, որ առաջիկայում կսկսվի «Орешник» զինատեսակի զանգվածային արտադրություն, որը մեծ նշանակություն կունենա Ռուսաստանի զինված ուժերի մարտունակության համար։
Այս հայտարարությունները վկայում են, որ Ռուսաստանը շարունակում է ամրապնդել իր ռազմական դիրքերը՝ միաժամանակ վերահաստատելով միջուկային զսպման և ռազմավարական սպառազինությունների արդիականացման քաղաքականությունը:
