Միջազգային
Իսրայելը ձախողել է դիմադրության շարժումը ջախջախելու իր նպատակը․ «Հըզբոլլահի» գլխավոր քարտուղար
«Հըզբոլլահի» գլխավոր քարտուղար Շեյխ Նաիմ Քասեմը հայտարարել է, որ Իսրայելի ռեժիմը ձախողել է դիմադրության շարժումը ջախջախելու իր նպատակը՝ ընդգծելով, որ «Հըզբոլլահը» երբեք չի հանձնվի։
«Մենք ձախողել ենք հակառակորդի նպատակը՝ ջախջախել դիմադրությունը։ Մեզ համար անհնար է հանձնվել կամ ենթարկվել նվաստացման, և դա անհնար է «Հըզբոլլահի» Դիմադրության համար», - ասել է Շեյխ Քասեմը շաբաթ օրը, նշում է լիբանանյան «Ալ-Մանար» հեռուստաալիքը։
Նա նաև ասել է, որ «Հըզբոլլահը» հաղթական դուրս եկավ, քանի որ իսրայելական ռեժիմը չկարողացավ հասնել իր հիմնական նպատակին՝ ոչնչացնել շարժումը և առանց հրադադարի համաձայնագրի վերաբնակիչներին վերադարձնել իրենց տները հյուսիսային օկուպացված տարածքներում:
«Հակառակորդը հասկացավ, որ «Հըզբոլլահին» դիմակայելու հեռանկար չունի, և այդ պատճառով համաձայնեց հրադադարին՝ դադարեցնելու իր ագրեսիան Լիբանանի վրա»,- նշել է Շեյխ Քասեմը։ Նա նաև ասել է, որ «Հըզբոլլահը» «համբերատար է մնացել իսրայելական կողմից հրադադարի հարյուրավոր խախտումների դեպքում, որպեսզի օգնի գործարքի իրականացմանը և զերծ մնա դրան խոչընդոտ հանդիսանալուց»:
