Վրաստանի խորհրդարանն առաջին ընթերցմամբ ընդունել է փոփոխություններ, որոնք Սալոմե Զուրաբիշվիլիին կզրկեն պետական անվտանգությունից՝ նախագահական լիազորությունների ավարտից հետո։ «Վրացական երազանք»-ի նախաձեռնած փոփոխություններին կողմ է քվեարկել խորհրդարանի 83 պատգամավոր։
Իշխող «Վրացական երազանքի» նախաձեռնած փոփոխությունների համաձայն՝ նախագահը, վարչապետը և խորհրդարանի նախագահը չեն ունենա պետական անվտանգություն, եթե իրենց լիազորությունների դադարեցման պատճառը Սահմանադրության խախտումն է, որը հաստատում է Սահմանադրական դատարանը։
