Ռուսաստանի փոխարտգործնախարար Սերգեյ Ռյաբկովը նշել է, որ Սիրիայի նախկին նախագահ Բաշար Ասադը ապահով վիճակում է։
«Նա ապահով վիճակում է։ Դա ցույց է տալիս, որ Ռուսաստանը գործում է այնպես, ինչպես պահանջվում է նման արտակարգ իրավիճակում»,- ասել է Ռյաբկովը՝ NBC-ի հետ զրույցում։
Ռյաբկովն առաջին պաշտոնյան է, որ հաստատել է Ասադի ժամանումը Ռուսաստան։ Միևնույն ժամանակ, ՌԴ ԱԳ փոխնախարարը նշել է, որ իր կողմից «չափազանց սխալ» կլիներ «պատմել այն մասին, թե ինչ է տեղի ունեցել և ինչպես է դա լուծվել»: Նա միայն ասել է, թե Ասադը Ռուսաստանում է, և տեղափոխվել է «ամենաանվտանգ եղանակով»։
