Իրանի գերագույն հոգևոր առաջնորդ այաթոլլա Խամենեին հայտարարել է, թե իրենք պատրաստ էին օգնություն ցուցաբերել Սիրիային, սակայն սիրիական բանակը ցույց չտվեց դիմադրության և տոկունության ոգի։
«Մեր ռազմական ներկայությունը Սիրիայում և Իրաքում խորհրդատվական բնույթ է կրում։ Մենք մեր զորքերն այնտեղ չենք ուղարկել, որպեսզի գործենք այդ երկրի բանակի փոխարեն»,- պարզաբանել է այաթոլլա Խամենեին։
Նա նաև նշել է, թե Սիրիայում «ագրեսորները» տարբեր նպատակներ են հետապնդում. «ԱՄՆ-ն մտադիր է ամրապնդել իր ներկայությունը տարածաշրջանում։ Ժամանակը ցույց կտա, որ այդ նպատակներից ոչ մեկը չի իրականանա։ Սիրիայի գրավված տարածքները կազատվեն Սիրիայի քաջարի երիտասարդների կողմից»,- ասել է նա։
