Մեծ պատերազմի դեպքում, ինչպիսին ուկրաինականն է, բրիտանական կանոնավոր բանակը՝ իր ներկայիս անձնակազմով, կոչնչացվի կես տարվա ընթացքում. այս մասին հայտարարել է ՄԹ պաշտպանության փոխնախարար Ալիստեր Քերնսը։ Հետևաբար, ըստ նրա, ՄԹ-ին խիստ անհրաժեշտ է պահեստազորայինների մեծ զորակազմ ստեղծել. հաղորդում է BBC-ն՝ Radar Armenia-ին։
«Մեծ մասշտաբի պատերազմում, ոչ թե սահմանափակ ինտերվենցիայի ընթացքում, այլ ուկրաինականին նման պատերազմում, մեր բանակը, ելնելով Ուկրաինայում կողմերի կորուստների ներկայիս տեմպից, կսպառվի վեց ամսից մինչեւ մեկ տարի ժամկետով»,- ասել է նա՝ ելույթ ունենալով Լոնդոնի պաշտպանական հետազոտությունների թագավորական ինստիտուտում (RUSI):
Նա հիշեցրել է, որ Ուկրաինայի և դաշնակիցների հաշվարկներով՝ Ռուսաստանն օրական մոտ մեկուկես հազար մարդ է կորցնում սպանված և վիրավոր։ Բրիտանական բանակի՝ ցամաքային ուժերի թվաքանակը, առանց նավատորմի և ավիացիայի, այժմ կազմում է մոտ 109 հազար մարդ, այդ թվում ՝ 26 հազար կամավոր-պահեստազորայիններ:
