Վրաստանում այսօր ցույցերը վերսկսվել են։ Ցուցարարները նախորդող օրերի նման շարժվել են դեպի Ռուսթավելի պողոտա։
Վրաստանի ՆԳՆ հանրահավաքի մասնակիցներին կոչ է արել դադարեցնել անօրինական գործողությունները և դուրս չգալ օրենքի սահմաններից։
Չնայած զգուշացմանը՝ Թբիլիսիի խորհրդարանի ուղղությամբ ցուցարարները ճայթրուկներ են նետել։ Իրավիճակը լարվել է, գործի են անցել հատուկջոկատայինները՝ չսպասելով կեսգիշերին։
Սկսվել են ձերբակալություններ, իրավապահները կիրառել են արցունքաբեր գազ և ջրցան մեքենաներ։