Գերմանիայի կանցլեր Օլաֆ Շոլցը առավոտյան ժամանել է Կիև։ Այս մասին հաղորդում են գերմանական լրատվականները։
Ըստ լրատվականների՝ Ուկրաինայի մայրաքաղաք իր այցով քաղաքական գործիչը ցանկանում է հասկացնել, որ Գերմանիան շարունակում է կանգնել Ուկրաինայի կողքին Ռուսաստանի կողմից հարձակման դեպքում:
«Ավելի քան 1000 օր Ուկրաինան հերոսաբար պաշտպանվել է ռուսական անողոք ագրեսիվ պատերազմից», - ասել է Շոլցը:
Իր կարճատև այցով նա համերաշխություն է հայտնել ուկրաինացիներին։ Շոլցը խոստացել է, որ Գերմանիան «կմնա Ուկրաինայի ամենաուժեղ աջակիցը Եվրոպայում» և խոստացել է զենքի շուտափույթ մատակարարում:
«Նախագահ Զելենսկու հետ իմ հանդիպմանը ես կհայտարարեմ 650 միլիոն եվրոյի լրացուցիչ սպառազինությունների մատակարարման մասին, որոնք պետք է առաքվեն դեկտեմբերին։ Ուկրաինան կարող է հույսը դնել Գերմանիայի վրա. մենք ասում ենք այն, ինչ անում ենք, և մենք անում ենք այն, ինչ ասում են»,- հայտարարել է Շոլցը։
