Միջազգային
Սիրիայում վերջին 13 տարիների չլուծված խնդիրները հանգեցրել են ներկա իրավիճակին. Ֆիդան
Թուրքիայի արտաքին գործերի նախարար Հաքան Ֆիդանը հայտարարել է, որ Սիրիայում տեղի ունեցած վերջին իրադարձությունները չի կարելի բացատրել արտաքին միջամտությամբ, իսկ ստեղծված իրավիճակը վերջին 13 տարիների ընթացքում չլուծված խնդիրների արդյունք է:
Վերջին իրադարձությունները ևս մեկ անգամ ցույց են տալիս, որ սիրիական ռեժիմը պետք է հաշտվի սեփական ժողովրդի և օրինական ընդդիմության հետ, հայտարարել է Ֆիդանը իր իրանցի գործընկեր Աբաս Արաղչիի հետ մամուլի ասուլիսի ժամանակ, որը պաշտոնական այցով գտնվում է Թուրքիայում:
Նա հավելել է, որ Անկարան չի ցանկանում Սիրիայում քաղաքացիական պատերազմի հետագա էսկալացիա, որը շարունակվում է 2011 թվականից:
Անկարան բազմիցս նախազգուշացրել է հակամարտող բոլոր կողմերին՝ խուսափելու լարվածության աճից։ Սիրիայում վերջին 13 տարիների ընթացքում չլուծված խնդիրները հանգեցրել են ներկա իրավիճակին։ Կեղծ կլինի զարգացումները բացատրել արտաքին միջամտության արդյունքով։ Թուրքիան միշտ աջակցել է Սիրիայի տարածքային ամբողջականությանը»,- ասել է Ֆիդանը։
Ըստ ԱԳ նախարարի՝ Անկարան թույլ չի տա ահաբեկչական խմբերին օգտագործել Սիրիայում անկայունությունը։ Միջոցներ են ձեռնարկվել հնարավոր խնդիրների դեմ, որոնք կարող են ազդել Թուրքիայի վրա։
