Թուրքիայի ԱԳ նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, ուշադրության կենտրոնում եղել է Սիրիան։ Այս մասին ՏԱՍՍ-ին հայտնել է Թուրքիայի ԱԳՆ-ի աղբյուրը։
«Դեկտեմբերի 1-ին ԱԳ նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Բլինքենի հետ։ Քննարկվել են Սիրիայում տեղի ունեցող վերջին զարգացումները։ Ֆիդանը ասել է, որ Թուրքիան դեմ է իրադարձությունների զարգացմանը, որը կբարձրացնի տարածաշրջանում անկայունությունը։ Նա ասել է, որ Սիրիայում խաղաղություն և հանգստություն հաստատելու համար պետք է ավարտվի ռեժիմի և ընդդիմության միջև քաղաքական գործընթացը»,-ասել է աղբյուրը։
Նա նաև հավելել է, որ «զրույցի ընթացքում քննարկվել են նաև Ուկրաինայի և Հարավային Կովկասի, ինչպես նաև Գազայի հատվածի հարցերը»։
«Նախարար Ֆիդանն ասել է, որ Իսրայելը պետք է կատարի իր խոստումները, որպեսզի հրադադարը Լիբանանում մշտական լինի: Նա ասել է, որ Գազայում պետք է հնարավորինս շուտ հրադադար հաստատվի և տարածաշրջան հասցվի մարդասիրական օգնություն»,-ասել է գերատեսչությունը։
