Գերմանիայի արտաքին գործերի նախարար Անալենա Բերբոքը և նրա ամուսինը՝ Դանիել Հոլեֆլեյշը, հայտարարություն են տարածել, որ ամուսնալուծվում են 17 տարվա ամուսնությունից հետո, գրում է Bild-ը։
«Որոշ ժամանակ առաջ, երկար գործընթացի ընթացքում, մենք միասին որոշեցինք, որ այլևս զույգ չենք»,- ասվում է հայտարարության մեջ։ — Հնարավոր շահարկումներից խուսափելու համար՝ նոր զուգընկերներ չկան։ Մեզ համար ամենակարևորը մնում է ապահովել, որ մեր երկու դուստրերը կարողանան մեծանալ խաղաղության և սիրո մեջ: Ահա թե ինչու մենք շարունակում ենք ապրել Պոտսդամի մեր ընդհանուր տանը»։
Բերբոքը և Հոլեֆլեյշը սկսել են հանդիպել 20 տարի առաջ: Երկուսն էլ այն ժամանակ Կանաչների կուսակցության անդամ էին: Հետագայում կինը դարձավ դրա ղեկավարներից մեկը, իսկ ամուսինը լքեց կուսակցության շարքերը։ Նրանք ունեն երկու դուստր՝ 9 և 13 տարեկան։
