Մոլդովան անվտանգության և պաշտպանության ոլորտում համագործակցության համաձայնագիր է ստորագրել Միացյալ Թագավորության հետ: Այս մասին հայտնում է Reuters-ը։
Նշվում է, որ Բրիտանիան և Ռումինիան իրենց աջակցությունն են առաջարկել Մոլդովային՝ հարևան Ուկրաինա Ռուսաստանի 1000-օրյա ներխուժման հետևանքները հաղթահարելու համար:
Միացյալ Թագավորության հայտարարության համաձայն՝ համաձայնագրի նպատակը երկու երկրների միջև համագործակցության ընդլայնումն է և արտաքին սպառնալիքներին Մոլդովայի դիմակայունության ուժեղացումը: Արտաքին գործերի նախարար Դեյվիդ Լամին նշել է 2022 թվականի փետրվարին Ռուսաստանի ներխուժումից հետո ուկրաինացի փախստականների զգալի ներհոսքը Մոլդովա, այդ թվում՝ 50 հազար երեխայի առկայությունը երկրում։
Համագործակցության շրջանակներում ստորագրվել է նաև ռեադմիսիայի մասին համաձայնագիր, որը կապահովի Միացյալ Թագավորությունում ապօրինի գտնվող մոլդովացի քաղաքացիների վերադարձը: Բացի այդ, Լոնդոնը կտրամադրի 2 միլիոն ֆունտ ստերլինգ ՝ կիբերհարձակումներից Մոլդովայի պաշտպանությունը բարելավելու և 5 միլիոն ֆունտ ստերլինգ՝ փախստականներին օգնելու համար առողջապահական համակարգն ամրապնդելու համար:
