Միջազգային
Աբխազիայում ցուցարարները կոտրել են խորհրդարանի դարպասները (ՏԵՍԱՆՅՈՒԹ)
Աբխազիայի մայրաքաղաքում ցուցարարները, կոտրելով դարպասները, ներխուժել են խորհրդարանի դիմացի հրապարակ։
Այսօր մայրաքաղաք Սուխումում պատգամավորները չեն հաստատել օրակարգը և հետաձգել են Ռուսաստանի հետ ներդրումային համաձայնագրի վավերացման հարցի քննարկումը։ Օրենքին դեմ են Աբխազիայի շատ բնակիչներ և ընդդիմությունը:
Պատգամավորները չեն քննարկել օրենքը՝ քվորումի բացակայության պատճառով (Աբխազիայի խորհրդարանի նստաշրջանին ներկայացել է 35 պատգամավորից միայն 21-ը): Հավաքված բնակիչները պահանջում են ընդհանրապես հանել համաձայնագիրը օրակարգից և ուղարկել լրամշակման։
Ցուցարարները մեքենա են մոտեցրել խորհրդարանի շենքին, որով ճեղքել են դարպասները, և ամբոխը լցվել է հրապարակ։
Որն է բողոքի պատճառը:
Անցած գարնանն Աբխազիայի իշխանությունները փորձեցին օրենք անցկացնել բնակարանների մասին։ Դա առաջացրեց քաղաքացիների վրդովմունքը, և հանրապետության նախագահ Ասլան Բժանիան ետ կանչեց այն։
Այժմ ընդդիմությունը մեղադրում է աբխազական իշխանություններին՝ Աբխազիայի տարածքում իրավաբանական անձանց ներդրումային գործունեության մասին ՌԴ-ի հետ միջգերատեսչական համաձայնագրի անվան տակ այդ օրենքը կրկին անցկացնելու քողարկված փորձի մեջ: Ընդդիմադիրների կարծիքով՝ այս համաձայնագիրը լոբբինգ է այն կառույցների շահերի համար, որոնք կապված են Ալեքսանդր Տկաչովի հետ։ Վերջինս հսկայական տուրհամալիր է կառուցում Գագրայի շրջանում և փորձում հասնել տեղական հարկերից ու տուրքերից ազատվելուն:
