Իսրայելը չի կատարել ԱՄՆ-ի պահանջները՝ թույլ տալ ավելի մեծ մարդասիրական մուտք դեպի Գազայի հատված, որտեղ պայմաններն ավելի վատն են, քան 13-ամսյա պատերազմի ցանկացած պահի, նշում են օգնության միջազգային կազմակերպությունները:
Նախորդ ամիս Բայդենի վարչակազմն Իսրայելին կոչ էր արել «ավելացնել» պարենային և այլ տեսակի օգնությունը Գազա՝ տալով նրան 30-օրյա ժամկետ, որը լրանում էր երեքշաբթի: Իսրայելը հայտարարել է իրավիճակի բարելավմանն ուղղված մի շարք քայլերի մասին, սակայն ԱՄՆ պաշտոնյաները վերջերս ազդարարել են, որ Իսրայելը դեռ բավականաչափ քայլեր չի ձեռնարկում։
Իսրայելի նոր արտգործնախարար Գեդեոն Սաարը, կարծես թե, թերագնահատել է վերջնաժամկետը, երկուշաբթի օրը լրագրողներին ասելով՝ վստահ է, որ «հարցը կլուծվի»: Բայդենի վարչակազմը կարող է ավելի քիչ լծակներ ունենալ Դոնալդ Թրամփի վերընտրությունից հետո, որը իր առաջին ժամկետում «Իսրայելի հավատարիմ կողմնակիցն էր»։
