Միջազգային
«Նա չափազանց իմաստուն է, որպեսզի համաձայնի ամենամեծ բռնակցմանը». Ժան Նոել Բարրո
Ֆրանսիայի արտաքին գործերի նախարար Ժան Նոել Բարրոն «Le Parisien»-ն տված հարցազրույցում վստահություն է հայտնել, որ ԱՄՆ նորընտիր նախագահ Դոնալդ Թրամփը կշարունակի աջակցել Ուկրաինային՝ չնայած իր նախընտրական հայտարարություններին:
«Նա չափազանց իմաստուն է, որպեսզի համաձայնվի վերջին 75 տարվա ընթացքում ամենամեծ տարածքային բռնակցմանը։ Չափազանց իմաստուն՝ մոռանալու համար, որ ոչ մի արդար և երկարատև խաղաղություն չի կարող կնքվել ուկրաինացիների թիկունքում և եվրոպացիների գլխավերևում: Դա կամրապնդի ուժեղի իրավունքը՝ շատ լուրջ հետևանքներ ունենալով Եվրոպայում և աշխարհի այլ տարածաշրջաններում»,- հայտարարել է Ֆրանսիայի արտգործնախարարը։
Ավելի վաղ The Wall Street Journal-ը հայտնել էր, որ Թրամփի շրջապատը դիտարկում է առաջնագծի սառեցման գաղափարը՝ ապառազմականացված գոտու ստեղծմամբ և ՆԱՏՕ-ին Ուկրաինայի անդամակցության 20-ամյա մորատորիումի ներդրմամբ:
Նախընտրական քարոզարշավի ընթացքում Թրամփը խոստացավ դադարեցնել պատերազմը «24 ժամվա ընթացքում»՝ առանց ծրագրի մանրամասները հայտնելու:
