Գազայի հատվածի հյուսիսում գտնվող Ջեբալիա ճամբարի վրա իսրայելական հարձակման հետևանքով առնվազն 32 մարդ է զոհվել, կան տասնյակ վիրավորներ։ Այդ մասին հայտնում է Tansim-ը՝ պաղեստինյան «Ալ-Աքսա» հեռուստաալիքին հղումով։
«Գազայի հատվածի հյուսիսում գտնվող Ջաբալիայում տան վրա ռմբակոծության ժամանակ օկուպացիոն ուժերի նոր ջարդի հետևանքով երեսուներկու զոհ և տասնյակ վիրավորներ կան», - ասվում է հեռուստաալիքի Telegram ալիքի հաղորդագրության մեջ:
Վերջին շաբաթների ընթացքում ակտիվացել են իսրայելական բանակի հարվածները Ջեբալիա ճամբարի ուղղությամբ, որտեղ մեծ թվով պաղեստինցի փախստականներ են ապրում։ Գազայի Առողջապահության նախարարությունը այստեղ ստեղծված իրավիճակն անվանել է աղետալի։
