Սեյսմոլոգները նախազգուշացրել են ԱՄՆ-ի իշխանություններին հնարավոր 30 մետրանոց ցունամիի և 9 բալ ուժգնությամբ երկրաշարժի մասին։ Այս մասին հայտնում է Daily Mail թերթը։
Աղբյուրի համաձայն՝ գիտնականները տագնապալի նշաններ են հայտնաբերել՝ օգտագործելով ստորջրյա բարձր ճշգրտության քարտեզագրումը։
Հյուսիսային Ամերիկայի ափերին սպառնացող աղետը կարող է ընդգրկել Կանադայի հարավից մինչև Կալիֆոռնիայի հյուսիսային հատվածը։
Դատելով հետազոտողների տվյալներից՝ առաջիկա տարիներին ԱՄՆ-ին կարող են հարվածել աննախադեպ ուժի կատակլիզմներ, մասնավորապես՝ 30 մետրանոց ցունամի և 9 բալ ուժգնությամբ երկրաշարժ, որի պատճառով, սեյսմոլոգների կարծիքով, մի քանի նահանգներ կարող են անցնել ջրի տակ։
