Վրացական դատարանը 30 ընտրատեղամասում գաղտնիության ռեժիմի խախտման պատճառով չեղյալ է հայտարարել ընտրությունների արդյունքները: Այս մասին նոյեմբերի 4-ին հայտնել է «Ազատություն» ռադիոկայանի վրացական ծառայությունը՝ քվեարկության արդյունքները կեղծելու բազմաթիվ մեղադրանքների ֆոնին:
Վրաստանի հարավային Թետրիծղարոյի և Ծալկայի շրջաններում թեկնածուների օգտին քվեարկությունը նշել են մարկերով, ինչը տեսանելի է քվեաթերթիկի հակառակ կողմում։ Այսպիսով, քվեաթերթիկը հաշվարկման սարքի մեջ դնելիս մոտ կանգնած մարդիկ կարող էին հասկանալ, թե ում օգտին է քվեարկել ընտրողը։
ԿԸՀ-ն կարող է բողոքարկել շրջանային դատարանի որոշումը, սակայն փորձագետներն ասում են, որ նախադեպ արդեն ստեղծվել է։
