Միջազգային
Իրանը սկսում է սահմանային պատերի կառուցումը արևելյան սահմանի երկայնքով
20 Հոկտեմբերի, 17:19
Իրանը սկսել է պատեր կառուցել իր արևելյան սահմաններով՝ անվտանգության ռիսկերին դիմակայելու համար, ասել է Իսլամական Հանրապետության սահմանապահ ոստիկանության հրամանատարը:
Բրիգադային գեներալ Ահմադ Ալի Գուդարզին կիրակի օրը ասել է, որ նախաձեռնությունը նպատակ ունի կանխել վառելիքի, ապրանքների և մասնավորապես թմրանյութերի մաքսանենգությունը՝ հավելելով, որ այն նաև փորձում է անդրադառնալ անօրինական ներգաղթին, հայտնում է Mehr գործակալությունը։
Իրանցի հրամանատարի խոսքով՝ այս նախագծի առաջնահերթությունը Աֆղանստանի և Պակիստանի հետ սահմանի անվտանգությունն է։
«Անվտանգության և ռազմական գնահատականների հիման վրա ամենակարևոր տարածքները Պակիստանի և Աֆղանստանի հետ սահմաններն են, որոնց բաժին է ընկնում դեպի Իրան թմրանյութերի շրջանառության 80%-ը», - ասել է նա:
