Բելառուսի զինվորականները կմեկնեն Ռուսաստան՝ մարտական պատրաստության կենտրոններից մեկում վերապատրաստվելու։ Այս մասին Telegram-ի իր ալիքում հայտնել է Բելառուսի պաշտպանության նախարարության մամուլի ծառայությունը։
«Մենք շարունակում ենք մեր զինվորականների ծրագրված համատեղ վարժանքը Ռուսաստանի Դաշնության Զինված ուժերի մարտական պատրաստության կենտրոնների հիման վրա»,- մեջբերվում է Բելառուսի զինված ուժերի գլխավոր մարտական պատրաստության վարչության պետ, գեներալ-մայոր Վլադիմիր Բելի խոսքերը։
Նա ասել է, որ «բառացիորեն օրերս տանկային գումարտակներից մեկն ավարտեց պարապմունքը»։ Վերջինս պարզաբանել է, որ «Ռուսաստանի գործընկերները բարձր են գնահատել Բելառուսի զինված ուժերի զինծառայողների պատրաստվածության մակարդակը»։
«Բոլոր առաջադեմ տեխնոլոգիաները, որոնք կիրառվում են Ռուսաստանի Դաշնության զինված ուժերում, ուսուցանվել են մեր զինվորականներին, մենք տեսանք, թե ինչպես է հատուկ ռազմական գործողության փորձը ներմուծվում զորքերի պատրաստման պրակտիկայում», - ասել է նա՝ նշելով, որ վերապատրաստման հաջորդ փուլը սկսվում է հոկտեմբերի 19-ին։
«Մենք զինվորական անձնակազմ ենք ուղարկում, որպեսզի նրանք կարողանան զորքերի պատրաստման առաջադեմ մեթոդներ կիրառել՝ իրենց զորամասերի պատրաստման պրակտիկայում դրանց հետագա ներդրման համար», - ասաց նա։
