Միջազգային
Հարիսը պնդում է՝ ինքը չի լինելու Բայդենի նախագահության շարունակությունը
ԱՄՆ փոխնախագահ և նախագահի թեկնածու Քամալա Հարիսը հակասական հարցազրույց է տվել Fox News-ին, որում նա վիճել է հաղորդավար Բրեթ Բայերի հետ ներգաղթի և քաղաքական կուրսի փոփոխության շուրջ։
Հարիսը պնդել է, որ իր մանդատը չի լինի Ջո Բայդենի նախագահության շարունակությունը։
«Թույլ տվեք շատ հստակ ասել. իմ նախագահությունը չի լինի Ջո Բայդենի նախագահության շարունակությունը, և ինչպես յուրաքանչյուր նոր նախագահ, որը ստանձնում է պաշտոնը, ես կբերեմ իմ կյանքի փորձը, իմ մասնագիտական փորձը և թարմ նոր գաղափարները: Ես ներկայացնում եմ առաջնորդների նոր սերունդ»,-ասել է Հարիսը։
«Ժողովուրդը հոգնել է մի մարդուց, ով իրեն առաջնորդ է հռչակում, բայց իր ամբողջ ժամանակը ծախսում է նվաստացման և անձնական դժգոհությունների վրա»,-նշել է Հարիսը։
Ինչպես նշում են ինսայդերները, Հարիսը մտադիր է խախտել Բայդենի տնտեսական քաղաքականությունը, հրաժարվել ծայրահեղ ձախ քաղաքականության ցանկացած թեզից, որը կառաջացնի հասարակության մեծամասնության վրդովմունքը։
Դեմոկրատական կուսակցության պաշտոնյաներն ասում են, որ նման ռազմավարությունը կարող է բերել միայն կարճաժամկետ արդյունքների։ Բացի այդ, վտանգ կա, որ Հարիսին կմեղադրեն ցինիկ քաղաքական պատեհապաշտության մեջ, իսկ դա նշանակում է՝ առաջնորդվել բացառապես սեփական, այլ ոչ թե երկրի շահերով։
