Երեկ տեղի է ունեցել Իրանի նախագահ Մասուդ Փեզեշքիան հանդիպումն Ադրբեջանի փոխվարչապետ Շահին Մուստաֆաևի հետ։
Իրանական լրատվամիջոցները ներկայացրել են նախագահի հայտարարություններից հատվածներ․
- Լավ չէ, երբ այլ երկրներ ներկա են մեր տարածաշրջանում։ Մենք կարծում ենք, որ ցանկացած երկրի ինքնիշխանությունը չպետք է խախտվի, մյուս կողմից Մենք չենք կարծում, որ այլ երկրների ներկայությունը տարածաշրջանում բխում է մեր տարածաշրջանի երկրների շահերից:
- Մենք ողջունում ենք երկու երկրների միջև երկաթուղային և ավտոմոբիլային երթուղիների ստեղծումը, ինչպես նաև ցանկանում ենք շարունակել և ընդլայնել համագործակցությունը էներգետիկայի և գյուղատնտեսության ոլորտներում:
- Իրանը ողջունում է բոլոր այն նախագծերը, որոնք կնպաստեն իսլամական երկրների միջև հարաբերությունների հետագա զարգացմանը:
