Միջազգային
Ռուսաստանն ու Ադրբեջանը տարածաշրջանային գործընթացների շուրջ քննարկում են անցկացրել
Ադրբեջանի նախագահի օգնական Հիքմեթ Հաջիևն ու Ռուսաստանի փոխարտգործնախարար Անդրեյ Ռուդենկոն քննարկել են Ադրբեջանի և Ռուսաստանի միջև երկկողմ դաշնակցային փոխգործակցության, ինչպես նաև տարածաշրջանին առնչվող հարցեր։
Ռուսաստանում Ադրբեջանի դեսպանատունը հայտնել է, որ աշխատանքային հանդիպումը տեղի է ունեցել հոկտեմբերի 8-ին Մոսկվայում՝ ԱՊՀ պետությունների ղեկավարների խորհրդի նիստին ադրբեջանական պատվիրակության մասնակցության շրջանակներում:
Նշվում է, որ կողմերը հատուկ ուշադրություն են դարձրել «3+3» ձևաչափով համագործակցությանը, Հյուսիս-Հարավ տրանսպորտային միջանցքի զարգացմանը, ՇՀԿ-ի և ԲՐԻՔՍ-ի հետ Ադրբեջանի փոխգործակցությանը և այլ հարցերի:
Հաջիևը Ռուդենկոյին տեղեկացրել է հայ-ադրբեջանական հարաբերությունների կարգավորման ընթացքի մասին՝ շեշտը դնելով ՀՀ օրենսդրության փոփոխության անհրաժեշտության վրա։
