Բեյրութի հարավային ծայրամասում՝ Ռաֆիկ Հարիրիի անվան միջազգային օդանավակայանի շրջանում, լույս ուրբաթ գիշերը մի շարք հզոր պայթյուններ են որոտացել։
«Հըզբոլլահին» մոտ կանգնած աղբյուրները AFP-ին հայտնել են, որ իսրայելական բանակը առնվազն 11 հարված է հասցրել խմբավորման օբյեկտներին․ հայտնում է BBC-ն:
«Իսրայելը 11 անգամ անընդմեջ հարվածներ է հասցրել Հարավային արվարձաններին», — հայտնել է գործակալության զրուցակիցը։ Լիբանանի ազգային լրատվական գործակալությունը հայտարարել է, որ «գրանցվել է ավելի քան 10 անընդմեջ հարված, ինչը դարձել է Բեյրութի հարավային արվարձանների վրա ամենահզոր հարձակումներից մեկը»:
Հարվածներից մռնչյունը լսվել է Բեյրութից դուրս գտնվող լեռնային շրջաններում: Իսրայելի պաշտպանության բանակը չի մեկնաբանել հարվածները, սակայն ավելի վաղ Բեյրութի հարավում խաղաղ բնակիչներին կոչ էր արել տարհանվել: Բեյրութի ուղղությամբ հարվածների թիրախը կարող էր լինել «Հըզբոլլահի» սպանված առաջնորդ Հասան Նասրալլայի զարմիկ Հաշիմ Սաֆի ադ-Դինը:
Նրան անվանել են որպես խմբավորման ղեկավարի պաշտոնում Նասրալլայի հավանական իրավահաջորդ։Արդյոք նա տուժել է հարվածների հետևանքով՝ հայտնի չէ։
