Միջազգային
Համբուրգի իշխանությունները 30 մլն եվրո են ծախսել հեծանվուղու վրա, որն անմիջապես որոշել են հեռացնել (ԼՈՒՍԱՆԿԱՐՆԵՐ)
Համբուրգի արևմուտքում գտնվող Էլբայի մայրուղին (Elbchaussee) համարվում է Գերմանիայի ամենաթանկ փողոցը, որտեղ կան Էլբա գետին նայող շքեղ վիլլաներ։ Այստեղ 2021 թվականից իրականացվել է 4 կմ հատվածի վերանորոգում, որը արժեցել է շուրջ 30 մլն եվրո. փոխարինվել են ջրամատակարարման, էլեկտրաէներգիայի և գազի խողովակները, ինչպես նաև կահավորվել է հեծանվուղի:
Սակայն պարզվել է, որ փողոցը չափազանց նեղ է, և մեքենաները ֆիզիկապես չեն կարող չհատել հեծանվուղու տարածքը, հատկապես՝ ոլորաններում։ Սա սպառնալիք է հեծանվորդների համար: Մյուս խնդիրը մայրուղու մեջտեղում գծանշման բացակայությունն է, ինչը հանգեցնում է հանդիպակաց երթևեկության վթարների ռիսկի:
Համբուրգի իշխանությունները սխալների համար մեղադրում են ճանապարհային ոստիկանությանը։ Գերատեսչությունում խոստովանել են, որ իրավիճակը վտանգավոր է և չի կարող այդպես մնալ, բանակցություններ են ընթանում տրանսպորտային իշխանությունների հետ այլընտրանք գտնելու համար: Բայց հեծանվուղին հեռացնելու համար հարկավոր է իրականացնել փողոցի նոր նախագծում և վերակառուցում, որը ևս կարժենա մի քանի միլիոն դոլար։
