Անկարան ջանքեր է գործադրում Ադրբեջանի և Հայաստանի միջև խաղաղություն հաստատելու համար, հայտարարել է Թուրքիայի նախագահ Ռեջեփ Թայիփ Էրդողանը։
«Դատելով Փաշինյանի մոտեցումից՝ նա որևէ բացասական վերաբերմունք չունի»,- ընդգծել է Թուրքիայի նախագահը։
Էրդողանը վստահություն է հայտնել, որ Ադրբեջանի և Հայաստանի միջև մի շարք հարցեր կլուծվեն։
«Երկու կողմերն էլ, իրականում, խաղաղության կողմնակից են»,- նշել է Թուրքիայի նախագահը։
Նա հավելել է, որ Հայաստանի և Ադրբեջանի միջև խաղաղությունը նոր հնարավորություններ կբացի երկու երկրների համար, իսկ գործընթացի արդյունքը դրական ազդեցություն կունենա նաև Թուրքիայի և Հայաստանի միջև հարաբերությունների կարգավորման վրա։
