Միջազգային
Պուտինը նշել է, թե որ դեպքում ՌԴ-ն իրավունք կվերապահի օգտագործել միջուկային զենք
Ռուսաստանն իրեն իրավունք է վերապահում օգտագործել միջուկային զենք Ռուսաստանի և Բելառուսի դեմ ագրեսիայի դեպքում՝ որպես Միութենական պետության անդամ երկրի, հայտարարել է ՌԴ նախագահ Վլադիմիր Պուտինը։
Նրա խոսքով՝ Ռուսաստանը միշտ ձգտել է կանխել միջուկային զենքի և դրա բաղադրիչների տարածումը։
«Մենք միշտ բարձր պատասխանատվությամբ մոտեցում ենք ցուցաբերել նման հարցերին՝ քաջ գիտակցելով այդ զենքի վիթխարի հզորությունը և ձգտել ենք ամրապնդել գլոբալ կայունության միջազգային իրավական դաշտը և կանխել միջուկային զենքի և դրա բաղադրիչների տարածումը»,- ասել է Պուտինը։
ՌԴ նախագահն ընդգծել է, որ ժամանակակից ռազմաքաղաքական իրավիճակը դինամիկ կերպով փոխվում է, Ռուսաստանը պարտավոր է դա հաշվի առնել, այդ թվում՝ ռազմական սպառնալիքների ու ռիսկերի նոր աղբյուրների ի հայտ գալու դեպքում։
«Միևնույն ժամանակ՝ մենք տեսնում ենք, որ ներկայիս ռազմաքաղաքական իրավիճակը դինամիկ կերպով փոխվում է, և մենք պարտավոր ենք դա հաշվի առնել, ներառյալ Ռուսաստանի և մեր դաշնակիցների համար ռազմական սպառնալիքների և ռիսկերի նոր աղբյուրների ի հայտ գալը»,- ասել է նա։
Պուտինը հավելել է, որ ՌԴ ինքնիշխանությանը և սովորական զենքին սպառնացող կրիտիկական սպառնալիքը հիմք կհանդիսանան միջուկային պատասխանի համար։
