Իրանի նախագահ Մասուդ Փեզեշքիանը ամերիկյան լրատվամիջոցների ղեկավարների հետ հանդիպման ժամանակ ընդգծել է, որ Իրանի առաջնահերթությունը հարևան երկրների հետ հարաբերություններն են, որոնց հետ «կհասնեն փոխըմբռնման՝ պահպանելով սահմանները, տարածքները և անվտանգությունը»։
«Կկանխենք ցանկացած գործողություն, որը կսպառնա յուրաքանչյուրիս ներքին անվտանգությանը»,- Իրանի նախագահի խոսքերն է փոխանցում IRNA գործակալությունը։
Փեզեշքիանը հայտարարել է, որ խաղաղությունն ու անվտանգությունը պետք է փոխարինեն պատերազմին ու արյունահեղությանը և հայտարարել, որ Իրանը բոլորովին այնպիսին չէ, ինչպես ցույց են տալիս համաշխարհային լրատվամիջոցները, և երկիրը պատրաստ է ապրել խաղաղ ողջ աշխարհի հետ։
«Մեր տեսակետը երկրի, տարածաշրջանի և աշխարհի նկատմամբ պարզ և թափանցիկ է։ Երբ ես առաջադրվեցի, իմ կարգախոսն էր միասնությունը և ամբողջականությունը»,- հայտարարել է նա։
