«Բորիս» փոթորկի հետևանքով առաջացած հորդառատ անձրևները Կենտրոնական և Արևելյան Եվրոպայում հանգեցրել են մարդկային զոհերի. այս մասին հայտնում է BBC-ն։ Արտակարգ իրավիճակների ծառայությունները ուժեղացնում են ջրհեղեղի դեմ պայքարի պաշտպանական կառույցները: Ութ մարդ զոհվել է, հազարավոր տներ տուժել են ջրից։
Ավստրիայում քաղաքացիներին ջրհեղեղից փրկելու գործողության ընթացքում մեկ հրշեջ է զոհվել։
Վիեննան շրջապատող տարածքը հայտարարվել է աղետի գոտի, տեղի իշխանությունները խոսում են «աննախադեպ ծայրահեղ իրավիճակի» մասին։
Լեհաստանում ջրհեղեղի հետևանքով մեկ մարդ է զոհվել:
Սակայն ամենից շատ զոհեր գրանցվել են Ռումինիայում. երկրի հարավ-արևելքում ՝ Ուկրաինայի հետ սահմանի մոտ, զոհվել է չորս մարդ, իսկ կիրակի օրը՝ ևս երկուսը։
Բացի այդ, չեխ փրկարարները փնտրում են երեք մարդու, որոնք եղել են գետն ընկած մեքենայի մեջ։ Չեխիայում ջրհեղեղի պատճառով որոշ շրջաններում մարդկանց սկսել են տարհանել։ Չեխիայում շաբաթ օրը երկրի հարավում նաև ամբարտակ է պայթել։
Կլիմայի փոփոխության պատճառով շատ առատ տեղումները Եվրոպայում, ինչպես նաև աշխարհի շատ մասերում, գնալով ավելի հավանական են դառնում։ Ըստ կանխատեսումների՝ հորդառատ անձրևները կշարունակվեն առնվազն մինչև երկուշաբթի օրվա վերջ:
