Միջազգային
Բրյուսելում հազարավոր ցուցարարներ բողոքում են Audi գործարանի փակման ծրագրերի դեմ
Բրյուսելում հազարավոր ցուցարարներ բողոքում են Audi գործարանի փակման ծրագրերի դեմ։ Ցուցարարները դուրս են եկել Լյուքսեմբուրգի հրապարակ, որտեղ գտնվում է Եվրախորհրդարանի շենքը։
Ցուցարարների խոսքով՝ երկար տարիներ գործարանը զգալի շահույթ է բերել սեփականատերերին. «Չնայած գերշահույթին, որը ստանում էինք մի քանի տարի, այժմ մենք պետք է վճարենք ճգնաժամի համար։ Մենք դա չենք ընդունում»,-ասել է Բելգիայի արհմիության ֆեդերացիայի ներկայացուցիչը։
Նա նշել է, որ սեփականատերերի՝ նման պահվածքն, ինչպես Բելգիայում, այնպես էլ համաեվրոպական մակարդակում, ուղեկցվում է քաղաքական գործիչների լռությամբ։
Ավելի վաղ հաղորդվել է, որ Audi-ի բրյուսելյան գործարանում պլանավորվում է հաստիքների զգալի կրճատում, ընդհուպ՝ մինչև ամբողջ անձնակազմի ազատում։ Ձեռնարկությունում աշխատում է ավելի քան 3000 մարդ։
