Հնդկաստանում անհայտ հիվանդությունից 15 մարդ է մահացել, գրում է Hindustan Times թերթը։
Վերջին ութ օրվա ընթացքում անհայտ տենդը, որն սկզբում ենթադրվում էր, որ թոքաբորբ է, տարածվել է Լախպատ քաղաքում, որը գտնվում է Գուջարաթ նահանգի Քուչ թաղամասում: Սեպտեմբերի 3-7-ն ընկած ժամանակահատվածում հիվանդությունը խլել է տասը մարդու կյանք, այդ թվում՝ երեխաների։ Մինչ սեպտեմբերի 11-ը գրանցվել է ևս հինգ մահ, գրում է հրատարակությունը։
Մահվան պատճառը պարզելու համար բժիշկները 11 մահացածից արյան նմուշ են վերցրել և ուղարկել Պունեի վիրուսաբանության ազգային ինստիտուտ։
«Արդյունքները հայտնի կդառնան մեկ-երկու օրից: Թեստերը բացառել են խոզի գրիպի, մալարիայի, Ղրիմի-Կոնգո ժանտախտի և դենգե ժանտախտի հավանականությունը։ Ենթադրվում է, որ մահվան դեպքերն ամենևին էլ վարակիչ հիվանդություններով պայմանավորված չեն»,- գրում է աղբյուրը։
